Доля выше 1.2 міліона людей, котры ся стратили в перебігу другой світовой войны і суть од того часу страчены, правдеподобно зостануть незнамы, кедь німецькый Червеный хрест кінцьом рока 2023 скінчить з высліджюваням отвореных припадів. “Уж небудеме годны обяснити тоты осуды,“ повів в Мніхові шеф выглядавачой службы Червеного хреста Томас Губер. Вердікт заставити роботы на припадох страченых осіб пали в згоді с німецькым міністерством внутра, хоч фурт існує інтерес о то, што ся стало з людьми, котры ся стратили. Німецькый Червеный хрест достав за послідній рік коло 9000 жадостей од дітей і внучат страченых. Коротко по скінченю другой світовой войны выглядавача служба червеного хреста зачала глядавати выше 20 міліонів людей. В року 1959 было ші 2,5 міліона жадостей о гледаня одкрытых.
(TASR)