Соціална сіть Twitter заблоковала офіціалный учет мадярьской влады, інформував о тім вчера на Facebooku говорця влады Золтан Ковацс. Як окрім іншого Ковацс пише, ,,Twitter без хоцьякого поясніня заблоковав офіціалну сторинку мадярьской владыAbout Hungary‟. Тот крок означів за вынятково інтересный з того боку, же Европска комісія мать якраз в тот день опубліковати свою першу справу о дотримуваню правил правного штату в єнотливых членьскых країнах. Говорця, котрый погляды влады премєра Віктора Орбана часто презентує якраз на Twitteri, додав, же влада уж зробила потрібны крокы і од Twitteru очікує офіціалну одповідь і поясніня даного кроку. (TASR, Pkf)