Друга світова война, котра зачала ся 1-го септембра 1939-го року атаком войск націстічного Німецька на Польщу, принесла в часі 2194 днів міліоном людей на обідвох сторонах фронту невысловену болїсть, стражданя і смерть  в різных подобах. В часі ньой пришло о жывот веце як 50 міліонів людей. Чіслом, своїм характером і крутостьов іде о найвекшу траґедію в історії людства. Скінчіня другой світовой войны собі єднотливы штаты припоминають 8-го мая як День перемогы на фашізмом. На  Словакії є тот день дньом робочого покоя. Вырішыли о тім посланці законодарного збору в юні 1996. Ґенерална Асамблея ОСН (OSN) в резолюції 59/26 з 22-го новембра 2004-го року выголосила 8-ый і 9-ый май за Дні споминок і змірїня на честь вшыткых, што вмерли в часі другой світовой войны. До войны ся поступово залучіло 62 штатів, в котрых жыло 80 процентів втодійшньой світовой популації. Пряму бойову актівіту засагла теріторію 40 штатів. Найвекшы страты, скоро 27 міліонів вояків і цівілістів, потерпів втодійшній Совїтьскый союз. Друга світова война в Европі офіціалні  скінчіла 8-го мая 1945-го року о 23.01 год. В Совїтьскім союзі то было шак позераючі на інше часове пасмо по півночі і прото  День перемогы выголосили 9-го мая. (TASR, Pkf)