Теріторіялна операція ізраїльской армады в місті Рафаг на югу Пасмы Ґазы бы была “невысловнов катастрофов“, выголосив то шеф Уряду OSN про коордінацію гуманітарных справ  (OCHA) Мартін Ґріффітгс. Інформує о тім аґентура AFP. Ґріффітгс то выголосив по тім, як ізраїльскый премєрь Бенямін Нетагягу приобіцяв зачатя офензівы проти Рафагу. До міста ся притім прихылило скоро 1,5 міліона Палестинчанів з іншых часті Пасмы Ґазы огрожуваных боями. Нетанягу выголосив, же офензіва проти місту ся зачне непозераючі на то, ці палестиньскый рух Гамас в Кагірі прийме або неприйме пропозицію приміря рекомандувану США і Еґіптом. (TASR, Pkf)