Орґанізація Обєднаных націй (OSN) одгадує, же з причіны Російов ведженой войны буде тот рік одказаных на гуманітарну поміч 14,6 міліона Українців, што представує скоро 40 процентів жытелів країны. Уряд OSN про кордінацію гуманітарных односин (OCHA)  вчера увів, же буде на тот ціль потребувати 3,1 міліярды доларів, інформує  аґентура DPA. Покы ся подарило здобыти лем коло 64 процент споминаной сумы. OCHA прото жадать меджінародных дарців о дальшы вклады. Подля дани OSN од зачатку російской інвазії на Україну утекло до загранича уж коло 6,3 міліона Українців. Скоро 25 процентів жытелів Україны є з причіны войны внутрішньо  выстягуваных. (TASR, Pkf)