Німецька канцеларька Анґела Меркелова, котра ся значно анґажує в намагах о вырішіня конфлікту на Донбасі, планує в авґусті навщіву Києва. Буде то лем пару тыжднів перед тым, як по 16-ох роках опустить свій уряд, пише аґентура AFP. Меркелова прийде на Україну коротко перед святкованьом 30-ой річніці декларації незалежности од Совітьского союзу, котре буде проходити 24-го авґуста. Київ буде 23-го авґуста гостити і веце европскых лідерів на саміті ку проблемі принавернутя Криму. Меркелова хоче в Києві так само підкреслити, же транзіт земного ґазу через Україну буде продовжовати і по докінчіню ґазоводу Nord Stream 2.

(Медвідь, TASR)