Французькый пезідент Еммануел Макрон в понедільок в Белеграді приобіцяв, же поможе обновити заблокованы їднаня меджі Сербійов і Косовом. Інформовала о тім аґентура Associtated Press. Макрон почас навщівы Сербії так само выразив підпору намагам Белеграду о членство в Европскій унії, но припомянув, же Унія бы ся мала реформовати скоріше, як прийме далшы державы. Дводньова навщіва французького презідента у Сербії має подля аґентуры обновити односины меджі державами. Їх історічно близкы повязаня были перерваны, кедь войска НАТО у 1999-ім році бомбардовали Сербію в повязаню з їй кроками односно Косова. Косово у 2008-ім році єдносторонно выголосило незалежность, котру Сербія і далшы державы не признавають.

(Медвідь, TASR)