Мадярьско є приготовлене продовжовати в додаваню фінанчной підпоры Україні на білатералнім прінціпі, но в жаднім припаді не підпорить сполочну пожычку Европской унії про тото діло, выголосив у понедільок в Софії шеф мадярьской діпломації Петер Сійярто. Сійярто на стрічі міністрів загранічных діл Середньоевропской ініціатівы в Булгарії оцінив брусельку приправу нового паклика помочі про Київ, но як додав, Мадярьско помагать Україні різныма способами омного давніше як країны, котры днесь презентують ся як найліпшы приятелі Києва. За словами міністра Будапешть дала вже десяткы міліонів евр на підпору здравотницьтва, школства, културных інштітуцій і церьквей на Україні, причім Мадярьско помагало іщі перед зачатком войны.

(Медвідь, TASR)