Італійскый премєр Джусепе Конте є приготовленый подати демісію, покля владны партії – крайно правіцьова Ліґа і протисістемовый Рух пятьох звізд, не перестануть з безперерывныма звадами. У своїм выголошіню з понеділька жадать обидві політічны партії, жебы вырішыли, ці іщі хотять дотримовати коалічный договор. Покля ніт, хоче ся зречі мандату. Премєр жадать ясну, єднозначну і скору одповідь. Італійскый председа влады хоче од лідрів партій Маттеа Салвіні і Луіджіго ді Майо чути, ці хотять передчасны вольбы, або преферують продовжованя сучасной коаліції. Спор в рамках коаліції є повязаный із пожадавков Европской комісії, котра од Італії жадать поясніня згіршеного стану публічных фінанцій. Іде о крок, котрый бы міг скінчіти дісціплінарьным процесом.

(Медвідь, TASR)