Веце як 338.000 людей в пасмі Ґазы мусіло зохабити свої хыжы, одколи Ізраїль в суботу зачав  з бомбардованям даной палестиньской енклавы. Дане чісло представує в порівняно з чіслом з вівторка наріст о 75.000. Густо обыване пасмо Ґазы мать коло 2,3 міліона жытелів. Міністерство здравотницьтва  в пасмі Ґазы інформує о 1100 умертях і веце як 5300 пораненых. Окрім іншого воєньске крыло палестиньского мілітантного руху Hamas днесь рано ознамило, же пропустило єдну Ізраїльчанку і єй дві дітины, котрых затримувало як заложників в пасмі Ґазы. Інформувала  о тім аґентура AFP. (TASR, Pkf)