Пять процент стратила Свободна партія Австрії в повязаню з актуалнов владнов крізов і їй підпора є 18 процент. Конзерватівці канцеларя Себастіана Курца навспак поліпшыли собі о штири процента. Такы резултаты дало найновіше баданя Research Affairs, котре было в понедільок публіковане порталом Oe24. О єдно проценто на цілковых 26 поліпшыли собі австрійскы соціалны демократы. Одступліня віцеканцеларя і председы FPÖ Гайнза-Хрістіана Штрахе по публікованю шкандалозного відеа бере за правилне 83 процент звіданых. Передчасны парламентны выборы бы Австрії мали проходити в септембрі і 60 процент людей то спринимать як позітівный крок.

(Медвідь, TASR)