Мадярьска владна партія Fidesz ініціює, жебы новый Европскый парламент одкликав планы на запроваджіня візів про міґрантів, оголосив в понедільок в Будапешту евродепутат той партії Балаж Гідвеґій. За його словами депутаты Европского парламенту за владный блок Fidesz-KDNP дістали од Мадярів повіріня, жебы в Бруселі зробили вшытко про заставліня міґрації і боронили права европскых народів і хоронили хрістіанство, інформовала аґентура MTI. Міґрачны візы бы послужыли на то, жебы ся Европа одкрыла міліонам приселенців, додав евродепутат. За його словами ся вже потвердило, же покля ся приселенець дістане до Европской унії, є майже неможливе послати го назад – а то ани в припаді, же ся вкаже, же не має право на азіл.

(Медвідь, TASR)