Председа мадярьской влады і председа партії Fidesz Віктор Орбан собі вчера припомянув річніцю минулорічной премогы у вольбах. Подля баданя інштітуту Nézőpont підпора владной партії ани рік по вольбах майже нияк не змінила ся і досягує 51 процент. Подля резултатів баданя піублічного мніня, котры публіковала аґентура MTI, підпора владного блоку Fidesz-KDNP є єднака, но опозічны партії, котры до волеб ішли в зґрупованю з назвов В єдности за Мадярьско, натеперь стратили десять процентуалных пунктів. Підпорило бы їх лем 26 процент респондентів. Радікалный рух Наша отцюзнина бы подля баданя підпорило 12 процент людей, што є двараз тілько, як рух дістав у вольбах.

(Медвідь, TASR)