Европска унія (EÚ) вчера вырішыла, же на тренуваня україньскых вояків боюючіх проти аґресії Росії выділить  дальшых 194 міліонів евр. Інформувала о тім аґентура AFP. Тренованя ся буде фінанцовати з Европского мірового інштрументу (EPF), в котрім є так на тот ціль выділеных цілково 255 міліонів евр. EPF взникнув в року 2021, то значіть перед російсков інвазійов на Україну, з цільом помагати розвойовым країнам накуповати воєньске выбавліня. По тім, што Росія в минулім року у  фебруарі атаковала Україну, шак EÚ зачала фонд выужывати на фінанцованя додавок зброї про Київ. В членьскых країнах EÚ было покы вытренуваных 34.000 україньскых вояків до боїв на фронтовій лінії. В близькій будучности їх мать быти 40.000. (TASR, Pkf)