Партійна ґрупа Европска людова партія (EPP) послала в часі минулого тыждня уж другый одказ дотуляючі ся председы мадярьской влады Віктора Орбана. Европскы людовци тот раз опубліковали на соціалній сіті Х фотку дівчатя з мадярьскым прапором в руці з вызвов ‟Ожывме европску будучність Мадярьска!‟ Попередив на то в неділю інтернетовый портал atv.hu. Споминаный портал припоминать, же EPP керувана Манфредом Вебером у вівторок на Facebooku написала, же Орбан бы мав одыйти. В статусі дале EPP увела, же прийшов час привести Мадярьско знова ближше к Европі і дати му шанцу зотавити ся з наслідків злого керуваня. (TASR, Pkf)