Найвекша німецька банка Deutsche Bank ознамила розсяглий 3,5-рочный план рештруктуралізації в сумі скоро 7,4 міліярды евр. Його частьов є і зрушіня скоро єдной пятины робочіх місць. Банка то ознамила по засіданю дозорной рады у Франкфурті над Моганом.  Deutsche Bank увела, же до кінця рока 2022 планує зрушыти скоро 18 000 робочіх місць. Потім бы мала заместнавати коло 74.000 робітників. Банка єдночасно ознамила, же скінчіть свій ґлобалный бізніс обходованя з акціями і значно зредукує інвестичну банку. Окрім того вытворить нову дівізію на пересунутя такзваных злых актів в сумі коло 74 міліярд евр. З причины коштів на рештруктуралізацію планує за 2-ый квартал зарахувати страту по зданіню на уровні 2,8 міліярды евр. Страта перед зданіньом бы мала быти коло 500 міліонів евр. (TASR, Пкф)