Чеська партія соціалнодемократічна є приправлена выслухати собі пропозіції Андрія Бабіша у звязї з обновлїнём роковань о владній співпрацї. Як увів председа ČSSD Їржі Гамачек: „Покы партія АNO стоїть о рокованя з ČSSD, представу собі рады выслухаєме. ČSSD є все одкрыта серіозному рокованю в проспіх нашой країны і єй жытелїв‟ . Минулый тыждень розговоры меджі ANO i ČSSD о коалічній меншыновій владї підтримованій Kомуністічнов партіов Чех і Моравы (KSČM) скраховали. Основным спорным бодом ся став вопрос трестного стїганя премєра про фінанцованя Фармы Čapí hnízdo. Бабіш не быв согласный передати функцію председу влады іншому політікови а заєдно передати ČSSD міністерства внутрїшнїх дїл і фінанцій. Мілош Земан Бабішови одпоручів, жебы ANO роковало о вытворїню кабінету з Комуністічнов партіов Чех і Моравы (KSČM) і партіов Sloboda a priama demokracia (SPD). Но в посланецькім клубі АNO є цїлый шор одпорців співпрацї з SPD, котрa боює за одход Чеськой републикы з Европской унії.
(TASR)