Російскый презідент Владимір Путін бы міг офіціално выголосити войну Україні уж 9-го мая, думать веце неменованых америцькых і западных представителів. Інформовала о тім телевізія CNN, подля котрой бы выголошіня войны Путінови уможнило повну мобілізацію. Западны представителі подля телевізії довго вірили тому, же Путін схоснує сімболічне значіня празднованя 9-го мая в Москві на то, жебы оголосив будь воєньскый успіх на Україні, або велику ескалацію конфлікту. Подля CNN зачали фаховці быти прихыльны сценарю, же Путін офіціално выголосить войну Україні. Моментално ся в Росії інвазія може означовати лем як „шпеціална воєньска операція“ і за означіня інвазії войнов мож дістати кару аж до 15 років арешту.

(Медвідь, TASR)