Німецькый сполковый сейм (Bundestag) вчера одобрив узнесіня, подля котрого быв голодомор на Україні в 30-ых рокох минулого сторіча деноцідов выконаной совїтьскым комуністічным режімом. Інформує о тім TASR на основі справ аґентур AFP і DPA. О голодоморі з років 1932-1933 говорить влада в Києві як о умыселній ґеноціді з боку режіму Йозефа В. Сталіна, котрого цільом было выгубити україньскых рольників. Комуністы в рамках насилной колектівізації сконфішковали україньскым рольникам уроду і зохабили їх голодувати. Подля узнесіня Сполкового сейму загортали крокы совїтьского режіму і потиснутя україньского способу жывота, языка і културы, што є ‟з днешнього погляду близьке к історічно-політичній катеґорізації ґеноціды‟. (TASR, Pkf)