Споєны штаты в понедільок оголосили, же схвалили высланя далшых 1000 вояків на Близкый выход. Причінов є звекшуюче ся напятя в односинах з Іраном. Інформовала о тім аґентура AFP. Урядуючій міністер обороны Патрік Шанаган у выголшіню написав, же вояків посылають з оборонных причін і Споєны штаты не хотять конфлікт з Іраном. Высланя вояків має быти подля америцького міністра ґаранційов безпечности і покоя воєньского персоналу в цілім реґіоні і охоронов америцькых народных інтересів. Є то подля Шанагана і рекаційов на „неприятельске справованя“ іраньскых сил. Подля фотоґрафій публікованых Пентаґоном як раз Іран стоїть за атаками на два ропны танкеры в Оманьскім заливі з минулого тыждня.

(Медвідь, TASR)