Ґрузія мать інтерес о вступ до Европской унії

Презідентка Ґрузії Саломе Зурабішвіліова в часі вчерайшого выступліня в Европскім парламенті в Бруселі выголосила, же є “пересвідчена“, же Европска унія призначіть Ґрузії штатут кандидатьской країны до кінця того рока. Інформувала о тім аґентура AFP. Зурабішвіліова арґументовала, же Ґрузія робить на досягнутю демократичных штандардів Европской унії і евроблок бы єй країні дав “охрану перед Російов“. Ґрузія о штатут пожадала в минулім року в марці вєдно з Молдавійов, місяць по тім, што жадость подала Україна. Членьскы країны жадости Києва і Кішіньова одобрили в юні 2022-ім року, але Ґрузії рекомандували, же мусить надале робити на реформі в області торгового господарьства, навчального сістему і енерґетічной і транспортной інфраштруктуры. (TASR, Pkf)
-
Назад / Nazad Ваґнерова ґрупа хоснує на вербованя здравотників, операторів дронів ці псіхолоґів, і соціалны сіті Twitter і Facebook
-
Далше / Dalše Віктор Орбан їднав телефонічно із зновузволеным презідентом Турції Рецепом Таииіпом Ердоґаном