Ґреческа влада в понедільок оголосила, же є „глубоко знепокоєна“ нароснутьом чісла нелеґалных приселнців на своїх островах в Еґейскім морі і апеловала на шефку будучой Европской комісії Урсулу фон дер Леєнову, жебы Европска унія справедливіше розділила затяж, котру про країну представлює нова волна міґрантів. Інформовала о тім белґійска телевізія RTBF. Ґреція од 7-го юла не мала ани єден день без приходу новых міґрантів. На пятьох островах в Еґейскім морі наросла кількость міґрантів на 20 тісяч особ. За єден місяць то представлює нароснутя о 17 процент. Державный секретать одповідный за охорону гражданів Ґеорґ Кумуцакос в розоговорі про ґреческый денник Катімеріні повів, же Ґреція як „країна першой лінії“ про біженців вже вычерьпала свої капаціты рішыти міґрачну крізу.

(Медвідь, TASR)