Російскый плінареньскый концерн Ґазпром вчера ознамив, же од завтрашнього дня 1-го септембра позаставить додавкы пліну про компанію Енґіе – котра є главным додавательом у Франції – протоже незаплатила за додавкы даной комодіты з юла того рока. Пресаґентура TASR о тім інформує на основі справ аґентур AFP і Reuters. Єдночасно днесь Здружіня европскых транспортуючіх пліну (ENTSOG) ознамило, же додавкы земного пліну до Европы через пліновод Nord Stream ся заставили. Інформує о тім TASR на основі справы аґентуры AFP. Російскый плінареньскый концерн Ґазпром твердить, же ся так стало з причіны безодкладных праць на удыржбі компресоровой станіці, котру є потрібне выконати “каждых 1000 годин превадзкы“. Удыржба мать тырвати три дні. Шеф німецькой сполковой сітьовой аґентуры Клаус Муллер шак тот вердік Ґазпрому спохыбнив як “технічно неможне“. Думать собі, же з боку Москвы іде досправды о політичный тиск. (TASR, Pkf)