Російскый штатом контрольованый плінареньскый ґіґан Ґазпром у своїм інтернім плані на рік 2025 выходить з предпокладу, же по 31-ім децембрі уж небуде до Европы іти плін через Україну, інформує о тім аґентура Reuters. Києв выголосив, же непродовжыть договор о транзіті пліну. Тым ся скінчить веце як 50 років тырваючій ток пліну зо Сібірі на торгы центральной Европы, котрый ся зачав в часох Совітьского союзу і быв стабілным джерелом приймів російского розрахунку. Покы што Україна увела, же небуде уважовати о продовжіню транзітного договору, котра Києву приносить річно аж 950,4 міліона евр з транзітных поплатків, Москва сіґналізує, же є отворена їднаням а продовжіню транзіту через дану трасу. (TASR, Pkf)