Італія і Іспанія суть односно пропозіції Европской унії приобіцяти Україні тот рік паклик далшой воєньской помочі до сумы 40 міліард евр резервованы, інформовали о тім по понедільковім засіданю міністрів загранічных діл в Бруселі неменованы діпломаты. Навспак, ініціатіва шефкы діпломації ЕУ Каї Калласовой має подля них силну підпору країн северной і выходной Европы. Калласова по засіданю Рады ЕУ про загранічны діла повіла, же їй пропозіція має „шыроку політічну підпору“ і теперь діскутує ся о їй детайлах. Европскы представителі твердять, же Україну треба і далше підтримовати воєньскы, кедьже не є певна будуча поміч з боку адміністратівы америцького презідента Доналда Трампа, котра тискать на Україну і Росію, жебы їднали.

(Медвідь, TASR)