В снажіню підпорити турістичный рух хоче Італія уможнити турістом з Европской унії (ЕУ) прийти до країны без абсолвованя повинной карантены, і то в  часі мая, інформувала  о тім аґентура DPA. Путованя до Італії бы мало быти простіше про турістів, котры были цалком заочкованы протів захворіню COVID-19, написав італійскый міністер заграничных справ Луіґі Ді Маіо на своїм профілі на Facebooku. Увів, же робить з міністром здравотницьтва на зрушіню “мінікарантены“ про жытелів Европской унії, Британії ї Ізраїля, котры были неґатівні тестованы на коронавірус, заочкованы або ся выздоровили зо захворіня. (TASR, Pkf)