Італійска премєрка Джорджа Мелоніова в понедільок потвердила, же їй країна має інтерес о функцію підпредседы Европской комісії. Інформовала о тім аґентура AFP. Подля італійского міністра загранічных діл Антонія Таяні бы Італія хотіла обсадити місце підпредседы ЕК і далшого комісаря з важным портфоліом. Таяні то повів перед новинарями почас засіданя міністрів загранічных діл ЕУ в Луксембурзі. Перед тоготыждньовым самітом лідерів країн Унії собі міністры дали ціль вырішыти вопрос веджіня в інштітуціях по недавных вольбах до европарламенту. Еврокомісія має теперь сім підпредседів, котры діють в імени председы і коордінують роботу в области свойой діятельности вєдно з далшыма еврокомісарями. Очекує ся, же сучасна предсидателька ЕК Урсула фон дер Леєнова бы мала вернути до той функції.

(Медвідь, TASR)