Італія у четверь заперла граніцї про путуючіх з 13 країн, котры в дослїдку пандемії захворіня COVID-19 поважує за різіковы, увела аґентура DPA. Подля італійского міністра здравотницьтва Роберта Сперанзу платить заказ про путуючіх з Арменії, Баграйну, Банґладеша, Бразілії, Босны і Герцеґовины, Чіле, Дoмініканьской републікы, Кувайту, Северной Македонії, Молдавска, Оману, Панамы і Перу. ,,Ґлобално є пандемія в найакутнїшій фазі. Не можеме лем так рісковати вшытко, што за остатнї місяцї жертвовали Таліаны. Зато сьме вырїшили выбрати сi путь максімалной осторожености,” повів Сперанза. Люде, котры ся в споминаных країнах находжали або через них перешли, ся до Італії не достануть а будуть заставлены на граніцях, додав міністер.

(TASR, Шутіова)