Іспаньскы шандарї, котрых выслали до Каталаньска перед октовбровым не поволеным референдумом о незалежности і зістали там аж додецембровых передчасных волеб, ся зачали поступно стїговати з реґіону. Мали бы так одыйти до 30. децембра. Інформацію потвердив і говорьця іспаньского міністерства внутрїшнїх дїл, котрый але не уточнив, кількох шандарїв ся розказ на стягнутя дотулять. Подля денника Ел Паіс бы могло йти о 10 000 шандарїв іспаньской поліції і прислушників обчаньской ґарды. Інціденты з періоду референдума собі подля каталаньскых урядів выжадали коло 900 зраненых особ, котры были нучены в дослїдку засягу іспаньскых шандарїв выглядати поміч лїкарїв. Тыждень по референдумі ся заступця влады про Каталаньско в Мадрідї оправдав за конаня іспаньской поліції.
(TASR)