Ірацькый віцепрезідент Нурі Малікі в повязаню із приготовльованым референдумом о назалежности ірацького Курдістану в неділю повів, же Ірак не дозволить, жебы на його теріторії выникнув „другый Ізраіль“. Інформовала о тім аґентура DPA. „Не дозволиме, жебы на севері Іраку быв другый Ізраіль. Остерігаме прихыльників референдума перед дослідками, котры такый крок буде мати про незалежность і єдность Іраку,“ повів Малікі почас розговору з америцькым амбасадором в Баґдаді Даґлесом Сліменом. Малікі єдночасно апеловав на орґанізаторів, жебы референдум напланованый на 25-го септембра зрушыли, причім додав, же такый плебісціт не є ани в інтересі ірацького народа, ани Курдів. Проти зорґанізованю референдума в неділю выразив ся і ґенералный секретать Орґанізації зъєдиненых народів Антоніо Ґутерес. Скоріше проти референдума выразили ся і Споєны штаты Америкы.
(Петро Медвідь)