Індіцькый премєр Нарендра Моді в понедїлёк навщівить Росію, увів то у четверь Кремель. Надходячу навщіву Москва авізовала іщі концём юна а говорця Кремля Дмітрій Песков ю означів за барз важну. Піде о першу Модіго путь до Росії од зачатку воєньской інвазії Москвы на Українї, припоминать аґентура AFP. Моді і російскый презідент Володимир Путїн будуть діскутовати о ,, перспектівах далшого розвитку традічно приятельскых російско-індічных одношінь, як і о релевантных вопросах меджінародной і реґіоналной аґенды,“ увів Кремель в прыспівку на сїтї Телеґрам. Росія і Індія утримують узкы одношіня, котры сїгають аж до періоду студеной войны.
(TASR, Шутіова)