Ізраїль в суботу словні одсудив одобріня польского закона, котрый прожывшым голокавсту або їх близькым обмеджить права здобыти назад маєткы сконфішкованы в часі комуністичного режіму. Інформувала о тім аґентура AP. Ізраїль так само ознамив, же на протест поволавать з Польщі свого высоко поставеного діпломата. Польскый презідент Андрзей Дуда в суботу підписав закон, котрый обмеджує права на маєток сконфішкованы по другій світовій войні. США і Ізраїль го передтым жадали, абы так незробив. (TASR, Pkf)