Ізраїль вчера ознамив, же од авґуста перейде на повинный сістем передпутьовной електронічной реґістрації (ETA) про навщівників з країн без візовой повинності. Інформує о тім аґентура Reuters. Тоты сістемы мають днесь Сполучене кральовство, Сполучены штаты, Канада і дальшы країны. Їх жытелі будуть на перебываня в Ізраїлі потребувати ETA, як в країні планують остати веце як 90 днів. Дотеперь таке поволіня непотребували. Подля влады новый сістем поможе забезпечіти турістом безпечность. Пілотный проґрам про сістем ETA ся зачне од 1-го юна про властників америцькых і німецькых пасів, про навщівників з іншых країн без візовой повинності то буде од 1-го юла. (TASR, Pkf)