Підземный комплех вырытый перед скоро 2000 роками до скалы одкрыли археолоґове при Стіні наріків в Єрусалемі. Інформувала о тім аґентура DPA з одкликаням ся на Ізраїльскый памятковый уряд. Комплех мать пару містностей і отворене надворя. Памяткары собі думають, же го выужывали жытелі Єрусалима перед тым, кідь в року 70 нашого літочісліня зничіли Римане Другый храм. Місце находжіня было комплетно одкрыте мозаіковов выкладачков несакралной ставбы, котра походить з часів, кідь ся в Палестині кінчів візантійскый період, то значіть перед скоро 1400 роками. (TASR, Pkf)