Ізраїльскый презідент Йіццак Герцоґ собі днесь рано в кібуці Реім припомянув вырочя атаку палестиньского руху Гамас на Ізраїль. Інформує о тім аґентура AFP. Герцоґ   дав честь жертвам атаку мінутов тиха о 6.29 год містьтного часу (5.29 h SELČ) пунктуално рік по тім, як Гамас перед роком зачав атак на Ізраїль. В кібуці Реім минулого року мілітанты атаковали на музичнім фестивалю Нова і забили там найменше 370 людей. На споминаній події брали участь і родинны члены жертв. Ізраїльска армада увела, же коротко по зачатку споминковой події были з Пасма Ґазы на Ізраїль выпалены штирі ракеты. Додала, же три з них зліквідовала а єдна впала на отворене пространство.  В Ізраїлі є днесь напланована серія споминковых подій і мітінґ з нагоды вырочя атаку, котрый собі выжадав скоро 1200 жертв і быв зачатком войны в Пасмі Ґазы. (TASR, Pkf)