Ізраїльскый безпечностный кабінет вчера одобрив договор о примірі з Лібаноном. Договор є  діючім од днешнього дня. Інформує о тім аґентура Reuters, котра одкликавать ся на справу ізраїльской телевізной станіці Kešet 12. Ізраїльскый премєрь Бенйамін Нетанйагу у своїм выступліню по їднаню безпечностного кабінету выголосив, же є приправеный імплементовати договор о примірі з Лібаноном. Єдночасно шак варовав, же на кажде його порушіня з боку лібаноньского проіраньского руху Гізбаллаг буде Ізраїль твердо реаґувати. Додав, же на імплементацію договору о примірі мать Ізраїль три причіны: по елімінації Гізбаллагу ся може заміряти на Іран, доповнити порожні засобы зброї і дати армаді час на одпочінок, одділіти северный і южный фронт і ізоловати палестиньскый радікалный рух Гамас, котрого атак на юг Ізраїля в октобрі 2023-го року зачав войну в реґіоні.  (TASR, Pkf)