Ізраіл є згодный з тым, же денно дозволить вступ  до пасма Ґазы 100 накладным автам з гуманітарнов помочов. Выходить то з понедількового договору Ізраіла з америцьков владов. Інформував о тім днесь портал The Times of Israel, котрый ся одкликавать на представителів влады США. Аґентура OSN про допомогу палестиньскым утеченцям на Близькім выході (UNRWA) вчера попередила, же обмеджене чісло гуманітарных конвоїв, котры вступують до пасма Ґазы не є  достаточне на успокоїня  “безпрецедентных гуманітарных потреб“ тамтешніх цівілістів. Подля OSN є денно потрібных якраз 100 накладных авт на забезпечіня старостливості о веце як 2,2 міліона жытелів пасма Ґазы, пише аґентура DPA. (TASR, Pkf)