За „велике скламаня“ означів днесь ізраільскый посол при Орґанізації зъєдиненых народів Ґілад Ердан высловы америцького презідента Джова Байдена, котрый погрозив позаставліньом дакотрых додавок зброї Ізраілю в припаді, же нападе на цівілістами наповнене місто Рафаг в Пасмі Ґазы. Як повів, є тяжкым і великым скламаньом чути такы высловы од презідента, котрому были вдячны од початку войны. Америцькый презідент в середу публічно остерігав Ізраіль, же покля нападе на Рафаг, перестане му додавати ґранаты артілерії і далшу зброю. Байден так само высловив жаль над тым, же при метаню америцькых бомб в Ґазі вмерли цівілісты.

(Медвідь, TASR)