Южне побережа Японії у четверь засягли дві силны землетрясіня. Метеоролоґове їх маґнітуду предбежно одгадли на 6,9 і 7,1 ґрадуса. Їх епіцентер быв коло выходного  побережа острова Кюшу в глубцї приближно 33 і 25 кілометрів. Японьскы уряды выдали варованя перед цунамі, котрого волны можуть досягнути вышку до єдного метра.,, Цунамі буде повторююче. Не вступуйте до моря ани ся не приближуйте ку побережу, покы не буде варованя зрушене,“ увела японьска метеоролоґічна аґентура на соціалній сїтї X. Аґентура AFP пише,же з области заты не суть голошены жадны важнїшы шкоды.Японьска влада увела, же в атомовых електрарнях не дошло ку жадным міморядным сітуаціям а перевірює, ці в засягнутых областях не дошло ку жертвам і вызначнішым шкодам.

(TASR, Шутіова)