Російскый презідент Владімір Путін повів французькому  презідентові Еммануелові Мацронові, же мать снагу стягнути російскых вояків з Білорусії зразу, як скінчить реалізуване російсько-білоруське воєньске тренованя. Путін то повів в часі недільняйшого телефонату з Мацроном, котрый тырвав 105 мінут. Пише ся то у выголошіню французькой канцеларії, котра попередила, же можне стягованя російськых войск з Білорусії будуть мусіти потвердити інформації з терену. Подля Мацроновой канцеларії Путіновы слова очівідні протівостоять попередньому выголошіню влады, подля котрой російськы вояци остануть в Білорусії довше, як было плановане. (TASR, Pkf)