Южна Кореа днесь запропоновала свойому северному сусідови воєньскы розговоры заміряны на знижіня напятя на сполочных граніцях. Кібы Пхонґянґ быв согласный, їднаня бы могли проходити на далшу пятніцю в пригранічнім селі Панмунджом в строго стороженій демілітарізованій зоні. Інформовала о тім аґентура Jonhap з одкликаньом ся на югокорейске міністерство обороны. Кідь ку стрічі дійде, ішло бы о першый діалоґ міджі воєньскыма представителями тых знепрятеленых держав за остатні три рокы. Остатня така стріча обыла ся в октобрі 2014-го року. Втогды Соул і Пхонґянґ їднали на робочім рівню в Панмунджоні о знижіню напятя в пригранічній зоні без успіху.
(Петро Медвідь)