Шыфы в ґрецькых приставох остали закотвены і желізничный транспорт быв перерушеный з причіны днешнього штрайку робітників в ґрецькім секторі транспорту, котры жадають высшы заробіткы, абы ся доказали вырівнати з ростучім жывотным келчіком. Інформує  о тім аґентура

Reuters. До штрайку ся залучіли і шоферы автобусів і таксіків, што запричінило в центрі Атен запхы, протоже люди ся до роботы мусіли транспортувати самы. Цілоденный штрайк зорґанізував одборовый союз GSEE, котрый твердить, же заробіткы транспортного сектора в Ґреції фурт заоставать за заробітками їх европскых колеґів. Ґрецька влада в апрілі звышыла мінімалный грубый заробіток о 6,4 процента на 830 евр. Ішло о четверте таке звышіня за послідніх пять років в країні, котра ся зотавує з фінанчной крізы. (TASR, Pkf)