Німецькый презідент Франк-Валтер Штайнамєр почас понедільковой навщівы мадярьского міста Шопронь при нагоді 35-ой річніці такзваного Паневропского пікніка подяковав Мадярьску за його вклад ку закінчіню розділіня Европы і ку зновусоєдиненю Німецька. Єдночасно вызвав, жебы Мадярьско свою презідію в Раді Европской унії схосновало на посилніня евроблоку, інформує аґентура MTI. Штайнмаєр вєдно з мадярьскым презідентом Тамашом Шуйоком брав участь на споминовій події в мадярьскім місті при австрійскых граніцях, одкыль 19-го авґуста 1989-го року втекло 600 аж 700 гражданів выходного Німецька на Запад. Сімболічне тригодинове одкрытя граніць подля німецького презідента принесло перше переломліня желізного занавісу, котрый довго роздільовав Европу.

(Медвідь, TASR)