Німецькый канцеларь Олаф Шолц позвав знова зволеного турецького презідента Речепа Таїпа Ердоґана почас понедількового телефонічного розговору на „інавґурачну навщіву“ до Берліна, інформовала в понедільок німецька влада. Шолц і Ердоґан ся в телефонаті „доїднали“, же ку співпраці меджі обидвома владами будуть приступати з новыма імпулзами і доїднають ся на сполочных пріорітах. Аґентура AFP припоминать, же союзници в НАТО з напругами чекають, коли Турція схвалить жадость Швеції о вступ до Аліанції. Ердоґан тот процес блокує і твердить, же Штокголм дає притулок мілітантам зо заказаной Партії курдьскых робочіх, котра є в Турції, Швеції, США і Европскій унії означнована за терорістічну орґанізацію.

(Медвідь, TASR)