Німецькый канцеларь Олаф Шолц в понедільок на саміті із державами западного Балкану в Берліні высловив надію, же тоты країны будуть дале іти допереду напрямом ку членству в Европскій унії, інформує аґентура DPA. Шолц надіять ся, же не буде тырвати далшых десять років, покля вшыткых шість країн стане членами Унії. Іде о Алабанію, Чорну Гору, Северну Македонію, Босну і Герцеґовину, Сербію і Косово. Словакія і далшы штири членьскы державы не признавають Косово за окрему державу. В Берліні вчера підписали представителі тых держав акчный план на рокы 2025 аж 2028. Шефка Европской комісії Урсула фон дер Леєнова на саміті потверидла, же розшырьованя є пріорітов Унії. Подліній раз Европска унія розшырила ся в 2013-ім році, коли членом стала Хорватія.

(Медвідь, ТASR)