Вейлскый першый міністер Марк Дрейкфорд і шкотьска премєрка Нікола Стурджын в понедільок пожадали Европску раду о одклад брексіту достаточно довгый на то, жебы міг зробити ся другый референдум о одході Великобрітанії з Европской унії. Інформовала о тім на своїм сайті телевізія Sky News. В писмах адресованых председови Европской рады Доналдови Тускови ся пише, же влады обидвох країн і депутаты підтримують такый референдум і то, жебы зістала Великобрітанія в Унії. Термін брексіту мусить быти пізніше, жебы вейлскый і шкотьскый парламент могли детайлно проштудовати договор о одході выїднаный премєром Борисом Джонсоном, пише BBC. Дрейкфорд і Стурджын твердять, же до 31-го октобра, коли є брексіт планованый, на то не є доста часу, жебы сповнили свої конштітучны обовязкы.

(Медвідь, TASR)