Шведьскый премєр Улф Крістерссон не очекує ниякый скорый проґрес, котрый дотулять ся жадости Швеції о вступ до Североатлантічной аліанції. Высловив ся так в повязаню з дотеперь неясным резултатом турецькых презідентьскых волеб, котры чекать друге коло 28-го мая. Наперек тому не вздавать ся Крістерссон надії, же Анкара до юлового саміту НАТО, котрый буде проходити у літовксій столиці Вілнюс, шведьску жадость схвалить. За вступ нового члена мусять голосовати вшыткы членове аліанції, Турція шведьску жадость блокує.

(Медвідь, TASR)