Одступуючій шведьскый премєр Стефан Лефвен має знова шансу стати председом влады. Председа парламенту Андреас Норлен го в понедільок пропоновав на тоту посаду, інформує аґентура DPA.  Парламент Швеції о тім буде рішыти в середу. Лефвен мав председу парламенту інформовати, же нашов рішіня, жебы зоставити нову владу. Соціалному демократови Лефвенови высловили недовіру 21-го юна на пропозіцію правіцьовой популістічной партії Шведьскы демократы. Пропозіція перешла, кедьже підпору владі стягла Лівіцьова партія, котра меншыновый кабінет довтогды в парламенті підтримовала.

(Медвідь, TASR)