Шведьска влада у четверь ознамила, же в наслїдуючіх трёх рокaх планує здвойнасобити розрахунок на цівілну обрану, жебы ся приготовила на період войны. TASR о тім інформує подля справы аґентуры AFP. Міністер цівілной обраны Карл-Оскар Боглін выголосив, же влада придавать далшы дві міліарды шведьскых корун до тогорічного розрахунку цівілной обраны, котрый бы мав до року 2028 нарости на 15 міліард корун. ,,Безпечностна сітуація зоставать важна а в доглядній будучности буде нада ле перебывати,“ повів Боглін. Приданы фінанчны средства суть напрямены на посилнїня здравотной старостливости і захранных служеб, додавок потравин і питной воды, транспортной і енерґетічной інфраштруктуры, пише AFP.

(TASR, Шутіова)