Австрійскый міністер загранічных діл Александер Шалленберґ в понедільок повів, же не є згодный з бойкотом мадярьской презідії в Раді Европской унії. Думать, жа такый крок буде лем на хосен мадярьскому премєрови Вікторови Орбанови. Шалленберґ підкреслив, же Мадярьско бере участь на многых вырішованях Унії, і же Орбан в конечнім дослідку буде дотримовати правила, бо їх недотримованя бы мало за ефект „цалком неуспішну презідію в Раді ЕУ.“

(Медвідь, TASR)